Azərbaycan Dillər Universiteti Tələbə Həmkarlar İttifaqı Komitəsi
“Təhsil millətin gələcəyidir!”
— Heydər Əliyev
Azərbaycan Təhsil İşçiləri
Azad Həmkarlar ittifaqı
ADU-da “Xüsusi uşaqlar, xüsusi yanaşmalar” adlı təlim keçirilib
- Əsas Səhifə
- Xəbərlər
- ADU-da “Xüsusi uşaqlar, xüsusi yanaşmalar” adlı təlim keçirilib
Azərbaycan Dillər Universitetinin (ADU) Pedaqogika kafedrasının nəzdində fəaliyyət göstərən İnklüziv Təhsil Mərkəzində “Xüsusi uşaqlar, xüsusi yanaşmalar” adlı təlim keçirilib.
Təlimin Pedaqogika kafedrasının müdiri, İnklüziv Təhsil Mərkəzinin rəhbəri dos.Nigar Zeynalova və Nitq İnkişaf Mərkəzinin rəhbəri loqoped Esmira Kazımova arasındakı razılaşmaya əsasən reallaşdırıldığı bildirilib.
Dos. Nigar Zeynalova "Xüsusi təhsil milli və beynəlxalq müstəvidə", Günay Seyidova "İnklüziv təhsil sahəsində maarifləndirmə işlərinin əhəmiyyəti", Aygün Qasımova "Xüsusi təhsildə tədris olunan fənlər və onların metodikası", Esmira Kazımova "Nitq qüsurları və loqopedik yoxlanış", Natiq Kamilov "Uşaqlarda fiziki inkişaf göstəriciləri", Siddiqə Qasımova "Görmə məhdudiyyətli uşaqlarla korreksiya işi" mövzularında çıxış ediblər.
Təlim korreksiyaedici təlim sahəsində fəaliyyət göstərən mütəxəssis və tələbələr üçün nəzərdə tutulub.
Sonda iştirakçılara sertifikat, təlim spikerlərinə isə təşəkkürnamə təqdim olunub.
Qeyd edək ki, İnklüziv Təhsil Mərkəzində sahə üzrə inkişafın təmin edilməsi məqsədilə silsilə maarifləndirici tədbirlərin həyata keçirilməsi ənənəsi formalaşıb.
Prosesin davam etdirilməsi nəzərdə tutulur.
Bizimlə əlaqə
