Azərbaycan Dillər Universiteti Tələbə Həmkarlar İttifaqı Komitəsi
“Təhsil millətin gələcəyidir!”
— Heydər Əliyev
Azərbaycan Təhsil İşçiləri
Azad Həmkarlar ittifaqı
ADU-nun Konfutsi İnstitutu “Çin incəsənətində Çin Xalq Respublikasının Yaranması Günü” mövzusunda inşa müsabiqəsi elan edir
- Əsas Səhifə
- Xəbərlər
- ADU-nun Konfutsi İnstitutu “Çin incəsənətində Çin Xalq Respublikasının Yaranması Günü” mövzusunda inşa müsabiqəsi elan edir
Azərbaycan Dillər Universitetinin (ADU) nəzdində fəaliyyət göstərən Konfutsi İnstitutu tələbələri və Çin dili kurslarının dinləyicilərini “Çin incəsənətində Çin Xalq Respublikasının Yaranması Günü” mövzusunda inşa müsabiqəsinə dəvət edir. Müsabiqə Çin Xalq Respublikasının yaranmasının 74-cü ildönümünə həsr olunub.
Müsabiqəyə Azərbaycan, Çin, ingilis və rus dillərində yazılmış fərdi inşalar qəbul edilir. İnşalar ədəbi-bədii məzmununa və orijinallığına əsasən qiymətləndiriləcək. Çin dilində olan inşalar qiymətləndirilərkən dil biliyinin səviyyəsi də nəzərə alınacaq.
Müsabiqə iştirakçılarının işləri oktyabr ayının 30-dək rafabba@yandex.ru elektron poçt ünvanında qəbul edilir. Qaliblər üç dərəcə üzrə diplom və qiymətli hədiyyələrlə mükafatlandırılacaq. Konfutsi İnstitutunun direktoru Rafiq Abbasov bildirib ki, müsabiqənin keçirilməsində məqsəd tələbələrin elmi-tədqiqat potensialını inkişaf etdirmək, Çinin siyasi tarixinə marağı dəstəkləməkdir.
Bizimlə əlaqə
