Mayın 22-də Azərbaycan Dillər Universitetinin (ADU) rektoru, akademik Kamal Abdulla Birləşmiş Ərəb Əmirliklərinin Azərbaycandakı fövqəladə və səlahiyyətli səfiri Məhəmməd Əl Bluşi ilə görüşüb.ADU-nun rektoru, akademik Kamal Abdulla səfiri salamlayıb, onu universitetdə görməkdən məmnun olduğunu bildirib.Görüşdə Ərəb dilinə olan maraq haqqında danışılıb, ərəb dilinin tədrisi istiqamətində yeni addımların atılacağı diqqətə çatdırılıb. Qeyd olunub ki, ADU-da Ərəb dili və mədəniyyəti mərkəzinin açılması istiqamətində bir sıra mühüm addımlar atılıb. Bildirilib ki, mərkəzin açılışından sonra əməkdaşlıq daha sıx və səmərəli olacaq, tələbələr üçün yeni imkanlar yaranacaq:“Bizim üçün Azərbaycan Dillər Universiteti olaraq önəmli məsələlərdən biri də budur ki, ərəb həmkarlarımızla həm müəllimlər, həm də tələbələr səviyyəsində əlaqələrimiz olsun. Həmçinin biz öz imkanlarımız hesabına ADU-da fəaliyyət göstərəcək Ərəb mədəniyyəti mərkəzini əməkdaşlıq etdiyimiz bölgə məktəbləri ilə də tanış etməyə çalışacağıq. Ümid edirəm əməkdaşlıq çərçivəsində imzaladığımız müqavilədə qeyd olunan layihə və tədbirlərin həyata keçirilməsi münasibətlərimizin möhkəmlənməsinə və inkişafına müsbət təsir göstərəcək”.Fövqəladə və səlahiyyətli səfir Məhəmməd Əl Bluşi dəvət üçün ADU-nun rektoruna təşəkkürünü bildirib, universitetdə ərəb dilinə olan marağı yüksək qiymətləndirib. İlk görüşdən sonra əldə olunan müsbət nəticələrdən danışan səfir bundan sonra da əməkdaşlığın yüksələn xətlə inkişaf edəcəyini bildirib. ADU-da fəaliyyət göstərəcək Ərəb dili və mədəniyyəti mərkəzi haqqında danışan səfir müəllim və tələbələr üçün perspektivlərin yüksək səviyyədə olduğunu söyləyib.Görüş gələcək fəaliyyətin yeni istiqamətlərinin müzakirəsi ilə davam edib.

22.05.2023

Azərbaycan Dillər Universitetinin Pedaqogika kafedrasının müəllimi Samirə İbrahimovanın təşəbbüsü ilə Təhsil 2 fakültəsinin 223 a qrupunun tələbələri "Autizmli şəxslərlə bir gün" adlı irəli sürdüyü layihəni uğurla reallaşdırıblar.Tələbələr "Birgə və Sağlam" İctimai Birliyinin nəzdində fəaliyyət göstərən Autizm Mərkəzini, Kaşalata kafeni ziyarət ediblər. Onlar mərkəzin, emalatxananın autizmli üzvləri ilə yaxından tanış olub, onlarla maraqlı gün keçiriblər.Qeyd edək ki, layihənin məqsədi tələbələrin autizmli həmyaşıdları ilə ünsiyyətini tənzimləmək və autizmli şəxslərə düzgün münasibəti aşılamaqdır.

22.05.2023

Sumqayıt şəhərində Azərbaycan Təhsil İşçiləri Azad Həmkarlar İttifaqı Respublika Komitəsinin təşkilatçılığı ilə  “Həmkarlar ittifaqlarının inkişafında Heydər Əliyev mərhələsi” mövzusunda regional konfrans keçirilib. Konfransda ATİAHİ Respublika Komitəsinin sədr müavini Mirzə Cəfərzadə, Təşkilat şöbəsinin müdiri Emil Rüstəmov, ATİAHİ-nin Sumqayıt şəhər, Abşeron, Xızı, Qubadlı, Laçın, Zəngilan rayon komitələrinin sədrləri və həmkarlar ittifaqı fəalları iştirak edib. İclasda çıxış edən ATİAHİ Respublika Komitəsinin sədr müavini Mirzə Cəfərzadə  bildirib ki, Azərbaycan Respublikasında 2023-cü il “Heydər Əliyev İli” elan edilib. Bununla əlaqədar Azərbaycan Həmkarlar İttifaqları Konfederasiyası və onun üzvü olan sahə həmkarlar ittifaqları da müvafiq tədbirlər planı tərtib etmiş və həyata keçirirlər. Azərbaycan Təhsil İşçiləri Azad Həmkarlar İttifaqı Respublika Komitəsi də “Heydər Əliyev İli” ilə bağlı tədbirlərin keçirilməsinə başlayıb. Zona konfransı da Respublika Komitəsinin silsilə tədbirlərindən biridir.  Sonra M.Cəfərzadə Azərbaycanda həmkarlar ittifaqlarının inkişafında ümummilli lider Heydər Əliyevin rolundan danışıb. Qeyd edib ki, Azərbaycanda bütün sahələrin, o cümlədən də həmkarlar ittifaqları institutunun davamlı inkişafı Ümummilli Lider Heydər Əliyevin adı ilə bağlıdır. Bu gün, Heydər Əliyevin bu sahədə olan ideyaları onun mənəvi-siyasi irsinin ən layiqli varisi Prezident İlham Əliyev tərəfindən uğurla davam etdirilir.Konfransda çıxış edən Abşeron rayon komitəsinin sədri Vahid Əliyev, Sumqayıt şəhər komitəsinin sədri Xudaverdi Əliyev və başqaları ümummilli lider Heydər Əliyevin həyat və fəaliyyətindən danışıblar. Qeyd olunub  ki, Azərbaycanda bütün sahələrin, o cümlədən də həmkarlar ittifaqları institutunun davamlı inkişafı Ümummilli Lider Heydər Əliyevin adı ilə bağlıdır. Bu gün, Heydər Əliyevin bu sahədə olan ideyaları onun mənəvi-siyasi irsinin ən layiqli varisi Prezident İlham Əliyev tərəfindən uğurla davam etdirilir.IMG_0004.JPG 1.46 MBIMG_0005.JPG 1.5 MBIMG_0006.JPG 1.29 MB

20.05.2023

May 19-da Azərbaycan Dillər Universitetində (ADU) “Heydər Əliyev İli”nə həsr olunmuş “Ümummilli lider Heydər Əliyevin siyasi irsinin öyrənilməsi və təbliği” mövzusunda tədbir keçirilib. Tədbir Azərbaycan Respublikasının himni ilə başlayıb, sonra Ulu Öndərin həyat və fəaliyyətini əks etdirən videoçarx göstərilib.ADU-nun rektoru, akademik Kamal Abdullayev çıxış edərək  müasir Azərbaycan dövlətinin siyasi sisteminin formalaşmasında Ümummilli lider Heydər Əliyevin əvəzsiz xidmətlərini diqqətə çatdırıb. Azərbaycanın ərazi bütövlüyü, azadlığı uğrunda canından keçənlərin heç zaman unudulmayacağını, Ulu öndərin layiqli davamçısı Prezident İlham Əliyevin Azərbaycan Respublikasını dünya dövlətləri içərisində sözünü deyən dövlətə çevrilməsi istiqamətində yorulmaz fəaliyyətini, qələbə ilə nəticələnən uğurlu siyasətini tədbir iştirakçılarının diqqətinə çatdırıb.   Yeni Azərbaycan Partiyası (YAP) Nəsimi rayon təşkilatı 134 saylı (Azərbaycan Dillər Universiteti üzrə)   ərazi partiya təşkilatının sədri dosent Qorxmaz Mustafayevin moderatorluğu ilə keçən tədbirdə YAP Nəsimi r-n təşkilatının sədri Azər Süleymanov da çıxış edib. O, Ümummilli lider Heydər Əliyevin siyasi fəaliyyətinin mərhələləri haqqında danışıb, əsasən də Azərbaycanın müstəqilliyə qovuşmasında, güclü dövlətə çevrilməsi yolunda Ulu öndərin yorulmaz fəaliyyətini diqqətə çatdırıb. “Azərbaycanın müasir dövlətçilik tarixi” mövzusu ilə  çıxış edən dosent Qorxmaz Mustafayev Ümummilli lider Heydər Əliyevin siyasi kursunun dövlətçiliyin möhkəmlənməsindəki rolundan və Prezident İlham Əliyevin onun siyasi kursunu uğurla davam etdirməsindən bəhs edib.Baş müəllim Günel Qarayeva “Dövlət ideologiyası - Azərbaycançılıq” mövzusunda çıxışında dövlət ideologiyasının formalaşması və multikultural ənənələrdən, “Yeni Klub”un sədri, Təhsil-2 fakültəsinin tələbəsi Gülüstan Kərimli isə “Azərbaycan Respublikasında gənclər siyasəti” mövzusunda dövlətin gənclərə qayğısından danışıb.Tədbirin sonunda Yeni Azərbaycan Partiyasına üzv olanlar müəllim və tələbələrə vəsiqələr təqdim olunub, fəaliyyətləri ilə seçilən əməkdaş və tələbələrə YAP Nəsimi rayon təşkilatının təşəkkürnamə və hədiyyələri təqdim olunub.

19.05.2023

Azərbaycan Dillər Universitetinin kollektivi müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın Ümummilli lideri Heydər Əliyevin anadan olmasının 100 illiyi münasibətilə Fəxri xiyabanı ziyarət edib. Ulu Öndərin məzarı önünə əklil və gül dəstələri qoyulub, xatirəsi hörmət və ehtiramla yad edilib. Görkəmli oftalmoloq alim, akademik Zərifə xanım Əliyevanın xatirəsi ehtiramla yad olunub, məzarı önünə tər çiçəklər düzülüb.

19.05.2023

Azərbaycan Dillər Universitetində (ADU) Beynəlxalq münasibətlər və regionşünaslıq fakültəsi və Beynəlxalq münasibətlər kafedrasının təşkilatçılığı ilə ADU-nun nəzdində fəaliyyət göstərən Konfutsi İnstitutunun direktoru, professor Rafiq Abbasovun tərtib etdiyi ümummilli lideri Heydər Əliyevin Çin Xalq Respublikasına rəsmi səfərinə həsr olunmuş "Heydər Əliyev - 100. Çin səfərinin tarixi" kitabının təqdimatı keçirilib.Konfutsi İnstitutu tərəfindən nəşr olunan kitabın təqdimatında Çin Xalq Respublikasının Azərbaycandakı səfirinin müavini Din Tao, səfirliyin nümayəndələri və universitetin əməkdaşları, eyni zamanda tələbələr iştirak edib.Beynəlxalq münasibətlər və regionşünaslıq fakültəsinin dekanı, professor İbrahim Kazımbəyli kitab haqqında ətraflı məlumat verib. Bildirib ki, Ulu öndər Heydər Əliyev Çin Xalq Respublikası ilə uğurlu diplomatik əlaqələr yaratmışdı. Bugünkü geniş əlaqələrin əsası məhz 1994-cü ildə ulu öndərin Çinə olan tarixi səfəri zamanı qoyulmuşdu. ADU-nun rektoru akademik Kamal Abdulla kitabın çap olunmasını yüksək qiymətləndirib. Bildirib ki, ADU ilə Çin Xalq Respublikasının ölkəmizdəki səfirliyi arasında səmərəli əməkdaşlıq mövcuddur. Azərbaycanın ümummilli lideri Heydər Əliyevin Çin Xalq Respublikasına rəsmi səfərinə həsr olunmuş kitabda səfərin xronologiyası, Heydər Əliyevin Çinin liderləri və dövlət xadimləri ilə görüşləri və danışıqları, mətbuat konfranslarındakı və Çin iş və elm dairələrinin nümayəndələri qarşısındakı çıxışları, səfər ərəfəsində imzalanan ikitərəfli müqavilələrin mətnləri barədə məlumat verilib.Beynəlxalq münasibətlər kafedrasının müdiri professor Aida Yusifzadə Ulu öndərin hakimiyyətə qayıdışının tarixindən, Azərbaycanın xarici siyasətindən və Azərbaycan-Çin əlaqələrindən  danışıb.  O, Azərbaycanın beynəlxalq münasibətlər sistemində tutduğu yerin əhəmiyyətini qeyd edib, beynəlxalq təşkilatlarla qarşılıqlı münasibətlərin tənzimlənməsi və inkişaf etdirilməsində ümummilli lider Heydər Əliyevin misilsiz siyasəti haqqında ətraflı bəhs edib.Beynəlxalq münasibətlər kafedrasının müəllimləri -  dosent Samirə İmanova və dosent Namiq Əsədov kitabın əhəmiyyətindən danışıblar.Təqdimatda həmçinin Ulu öndərin 1994-cü ildə Çinə etdiyi səfəri əks etdirən videoçarx nümayiş olunub.  

19.05.2023

Ulu öndər Heydər Əliyevin anadan olmasının 100 illiyi münasibətilə Azərbaycan Dillər Universitetində keçirilən silsilə tədbirlər çərçivəsində kollektiv tərəfindən ağacəkmə aksiyası keçirilib.  Yaşıllaşdırma aksiyasında ADU-nun rektoru akademik Kamal Abdulla, ADU-nun professor-müəllim heyəti, universitet kollektivi və tələbələr iştirak ediblər.  Aksiya ADU-nun əsas tədris binası və Təbriz küçəsi 81 ünvanında yerləşən korpusunda baş tutub.  Ağacəkmə tədbirlərinin keçirilməsində məqsəd yaşıllıqların artırılmasına, ətraf mühitin sağlamlaşdırılmasına hər zaman böyük önəm verən Ulu öndər Heydər Əliyevin əziz xatirəsini yad etmək, ümummilli liderin təbiətə, yaşıllıqlara qayğı ənənələrini davam etdirməkdir.

19.05.2023

Mayın 8-də Bakı Beynəlxalq Multikulturalizm Mərkəzi(BBMM) və Azərbaycan Dillər Universitetinin (ADU) birgə təşkilatçılığı ilə müstəqil Azərbaycan dövlətinin qurucusu, dahi siyasətçi və böyük dövlət xadimi Heydər Əliyevin anadan olmasının 100-cü ildönümü ilə əlaqədar “Heydər Əliyev və Azərbaycançılıq-100” mövzusunda konfrans keçirilib. Konfrans “Azərbaycan Respublikasında 2023-cü ilin “Heydər Əliyev İli” elan edilməsi ilə bağlı Azərbaycan Respublikası Prezidentinin 2022-ci il 28 noyabr tarixli Sərəncamına müvafiq olaraq təşkil olunub.Tədbirdə açılış nitqi ilə çıxış edən ADU-nun rektoru, Bakı Beynəlxalq Multikulturalizm Mərkəzinin Himayəçilik Şurasının sədri, akademik Kamal Abulla Ümummilli Lider Heydər Əliyevin hakimiyyətə ikinci dəfə qayıdışından sonra Azərbaycan xalqı və dövlətçiliyi qarşısındakı misilsiz xidmətlərindən danışıb.O diqqətə çatdırıb ki, bu gün Azərbaycanda aparılan multikulturalizm dövlət siyasətinin əsasını Ulu Öndər Heydər Əliyev qoyub. Multikulturalizmin dövlət səviyyəsində həyatımıza, cəmiyyətimizə tətbiqi Ulu Öndərin qəbul etdiyi qərarlardan başlayır. Bu siyasəti Prezident İlham Əliyev uğurla davam etdirir. Prezidentin siyasətinin davamı olaraq ölkəmizdə əsrlər boyu formalaşmış tolerantlığın, etnik-mədəni, dini müxtəlifliyin qorunmasını və çiçəklənməsini təmin etmək, habelə Azərbaycanı dünyada multikulturalizm mərkəzi kimi tanıtmaq və mövcud multikultural modellərini tədqiq və təşviq etmək məqsədilə 2014-cü ildə Bakı Beynəlxalq Multikulturalizm Mərkəzi yaradıldı. Bu mərkəz vasitəsilə Azərbaycanda multikulturalizm sahəsində bir-birini tamamlayan, sistemli xarakter daşıyan siyasi iradə və onun gerçəkləşməsi proqramı uğurla həyata keçirilir.Tədbirin moderatoru Bakı Beynəlxalq Multikulturalizm Mərkəzinin icraçı direktoru Rəvan Həsənov qeyd edib ki, Ümummilli Lider Heydər Əliyev  Azərbaycan xalqının əsrlər boyu təşəkkül tapmış multikulturalizm dəyərlərinə ən yüksək hüquqi siyasi qiymət verib, multikultural cəmiyyətin formalaşdırılmasında müstəsna rol oynayıb. O vurğulayıb ki, Azərbaycan hər zaman çoxmədəniyyətli dövlət, mədəniyyətlərin və dinlərin qovuşduğu bir məkan olub. Bu ənənə dahi şəxsiyyət Heydər Əliyevin hakimiyyətə ikinci dəfə qayıdışı ilə siyasi müstəviyə qaldırıldı və qlobal səviyyədə təbliğ olunmağa başlanıldı. Bu gün isə Azərbaycanın multikulturalizm modeli Ulu Öndər Heydər Əliyevin qurduğu Azərbaycan, onun layiqli davamçısı Prezident İlham Əliyevin rəhbərliyi altında müstəqil siyasəti ilə beynəlxalq arenada öz sözünü deyir və inkişaf edir. Çoxmillətli, çoxkonfessiyalı Azərbaycanda bu gün mədəni, linqvistik, etnik və konfessial rəngarəngliyin qorunması istiqamətində uğurlu dövlət siyasəti həyata keçirilir. Prezident İlham Əliyevin təşəbbüsləri nəticəsində multikulturalizm dövlət siyasətinin ən önəmli istiqamətlərindən birinə çevrilib.Daha sonra Dini Qurumlarla İş üzrə Dövlət Komitəsinin sədr müavini Gündüz İsmayılov, Milli Məclisin deputatı, ADU-nun prorektoru Tamam Cəfərova, Qafqaz Müsəlmanları İdarəsinin sədr müavini Fuad Nurullayev, Mənəvi Dəyərlərin Təbliği Fondunun icraçı direktoru Mehman İsmayılov, Azərbaycan İlahiyyat İnstitutunun prorektoru Mirniyaz Mürsəlov, Bakı Dağ Yəhudiləri Dini İcmasının sədri Milix Yevdayev, Bakıdakı Avropa Yəhudiləri İcmasının sədri Aleksandr Şarovski, Rus Provaslav Kilsəsinin Bakı və Azərbaycan Yeparxiyasının yepiskopu Elnur Əfəndiyev, ADU-nun Regionşünaslıq kafedrasının müdiri dosent Sevdagül Əliyeva, Alban-Udi Xristian Dini İcmasının sədri Robert Mobili, Azərbaycan-Gürcü Yəhudi İcmasının sədri ravvin Zamir İsayev, Avropa Yəhudilərinin Bakı dini icmasının ravvini Şneor Seqal, Talış icmasının ağsaqqalı İmamverdi Həmidov çıxış edərək Azərbaycançılıq ideyasının yaranması, Azərbaycanda multikulturalizm siyasətinin formalaşması istiqamətində Ulu Öndər Heydər Əliyevin həyata keçirdiyi mühüm əhəmiyyətli işlər barədə danışıblar.Tədbirdə etnik və dini icmaların, ali təhsil müəssisələrinin nümayəndələri iştirak edib.               

19.05.2023

Azərbaycan Dillər Universiteti (ADU) Təhsil 1 fakültəsi nəzdində Alman dilinin leksikologiyası və üslubiyyatı kafedrasının əməkdaşları – fil.f.d., dos. S. Zeynalova, b/m. G. Əhmədova, b/m. S. Məmmədovanın təşkilatçılığı və 114b və 414r qrup tələblərinin iştirakı ilə "Heydər Əliyev və Almaniya" adlı tədbir keçirilib.  Tədbirdə ADU-nun rektorunun məsləhətçisi A. Osmanlı, Təhsil 1 fakültəsinin dekanı fil.e.d., prof. F. Cahangirov iştirak ediblər.Kafedra müdiri filologiya üzrə fəlsəfə doktoru, dosent Xuraman Əsgərova qonaqları salamladıqdan sonra Azərbaycan və Almaniya arasında münasibətlərin qurulmasında Heydər Əliyevin xidmətlərindən danışıb.Tələbələr Azərbaycanın siyasi və iqtisadi tərəfdaşı olan Almaniyanın ölkəmizlə bağlı əlaqələrindən, Ümummilli Lider Heydər Əliyevin Almaniyaya verdiyi dəyərdən, Almaniyanın müxtəlif sahələri arasında bağlanmış sazişlərdə Heydər Əliyevin  rolundan danışıblar.Tədbirdə Heydər Əliyevin Almaniyaya səfərləri ilə bağlı danışılıb, dövlət xadimlərinin Ulu Öndər haqqında söylədikləri xoş sözlər diqqətə çatdırılıb. Həmçinin Ümummilli Liderin müəllifi olduğu kəlamlar alman dilində səsləndirilib, videoçarx nümayiş olunub.Qonaqlar çıxışlarında Almaniya-Azərbaycanın qarşılıqlı münasibətlərindən,  Avropada ən vacib siyasi-iqtisadi tərəfdaşlığından, qarşılıqlı səfərlər və intensiv parlamentlərarası əməkdaşlıqdan söz açıblar.  Eyni zamanda Azərbaycandakı alman koloniyaları, Mingəçevir şəhərində İkinci Dünya müharibəsi zamanı əsir düşmüş almanların kütləvi dəfn olunduğu “Alman qəbristanlığı” adlanan ərazi haqqında məlumat veriblər.Kafedranın dosenti, fil.f.d. E. Yusifov Almaniyadakı hərbi xidmət illərindən, Heydər Əliyevin dünya arenasındakı nüfuzundan danışıb.Bildirək ki, Azərbaycan  xalqının Ümummilli lideri Heydər Əliyevin 100 illik yubileyi ilə əlaqədar olaraq 2023-cü il Azərbaycanda “Heydər Əliyev ili” elan edilib. Bu münasibətlə respublikada, o cümlədən Azərbaycan Dillər Universitetində silsilə tədbirlər keçirilir.

19.05.2023

ADU-nun rektoru, akademik Kamal Abdulla Ulu Öndər Heydər Əliyevin doğma Vətən və xalq qarşısında müstəsna xidmətlərindən, zəngin dövlətçilik təcrübəsinin əhəmiyyətindən danışıb. Bildirilib ki, Azərbaycan xalqının qəlbində Heydər Əliyev sevgisi tükənməzdir:“Ulu öndər Heydər Əliyev haqq dünyasında olsa da, onun işığı bu gün də Azərbaycanın üzərindədir. Bu gün Qarabağda aparılan yenidənqurma, bərpa işləri hamımızı sevindirir, qalib xalq kimi bizi daha da güclü edir. Bu güc, bu inam gələcək işlərimizin daha uğurlu olmasına şərait yaradır.Ulu öndər hər zaman gənclərə inandığını və gələcək inkişafın gənclərlə bağlı olduğunu bildirirdi. O qeyd edirdi ki, gənclər mənim sizə əmanətimdir. Həmin gənclər bu gün Azərbaycanın inkişafı və daha da güclənməsi yolunda yorulmadan çalışırlar. Ulu öndər hər birimizin qəlbində yaşayır, hər birimizin həyatına işıq salır.”Ulu öndər Heydər Əliyevin əziz xatirəsinə həsr olunmuş müsabiqələrlə bağlı məlumat verilib. Qeyd olunub ki, ADU-da tələbələr arasında keçirilən müxtəlif intellektual və idman növləri üzrə fərqlənən tələbələrə sertifikatlar və pul mükafatları təqdim olunub.Tədbir bədii hissə ilə davam edib.    

19.05.2023

Azərbaycan Dillər Universitetinin müəllimləri- Regionşünaslıq kafedrasının müdiri, professor Sevdagül Əliyeva, Fəlsəfə və İctimai Elmlər kafedrasının müdiri dosent Ədalət Abdiyeva və Fəlsəfə və ictimai elmlər kafedrasının dosenti Sevda Məhərrəmova Nardarandakı 295 saylı məktəbdə keçirilən “Heydər Əliyev müasirlərinin gözü ilə” adlı tədbirdə iştirak ediblər.Tədbirdən öncə müəllimlər məktəbin şagirdləri, sinif otaqları və tədris prosesi ilə tanış olublar. Sonra məktəbin foyesində təşkil edilmiş 44 günlük vətən müharibəsi mövzusunda şagirdlərin əl işlərindən  ibarət və Ümummilli lider Heydər Əliyevin 100 illik yubileyinə həsr edilmiş sərgiyə baxıblar.Məktəbin akt zalında təşkil edilən tədbiri giriş sözü ilə açan məktəbin direktoru Dilarə Cəbrayılova cari ilin Ümummilli lider Heydər Əliyev ili elan edilməsi ilə əlaqədar olaraq məktəbdə bir sıra tədbirlərin keçirildiyini bildirib və keçirilən tədbirin əhəmiyyətindən danışıb:“Ümummilli lider Heydər Əliyev ili elan edilməsi ilə əlaqədar olaraq, bu il məktəbimizdə bir sıra tədbirlər keçirilib. Bu tədbirin isə xüsusi əhəmiyyəti var. ADU-nun rektoru hörmətli akademik  Kamal Abdullanın dəfələrlə qonağı olduğu və çox sayda ədəbiyyat və dərs ləvazimatlar hədiyyə etdiyi bu məktəbin şagirdlərinin ADU-nun ixtisasları və fəaliyyəti haqqında müəyyən məlumatları vardır.  Bu gün ADU-nun professor müəllim heyətinin  məktəbimizə gəlməsi təhsil ocaqları arasında əməkdaşlığı daha da dərinləşdirəcəkdir”.Regionşünaslıq kafedrasının müdiri, professor Sevdagül Əliyeva  Azərbaycan Dillər Universitetinin fakültələri, ixtisasları, mövcud olan dil və mədəniyyət mərkəzləri,  beynəlxalq əlaqələri, iştirak etdiyi layihələr haqqında məlumat verib. O, qeyd edib ki, şagirdlərin görüşünə gələn qonaqlardan  üç nəfəri, məhz Ümummilli Lider Heydər Əliyevin  Azərbaycandan kənara təhsil almaq üçün göndərdiyi kadrlardandır.Fəlsəfə və İctimai Elmlər kafedrasının müdiri dosent Ədalət Abdiyeva  1970-1980 –ci illərdə istedadlı və yaxşı oxumuş gənclərin seçilərək keçmiş Sovetlər İttifaqının aparıcı ali məktəblərinə respublikamızda olmayan ixtisaslar üzrə təhsil almaq üçün göndərilməsi prosesi haqqında, təhsil alanlara göstərilən diqqət  və qayğıdan danışıb.Fəlsəfə və İctimai Elmlər kafedrasının dosenti Şükufə Cabarova Ümummilli lider Heydər Əliyevin Nadejda İsmayılova ilə müsahibəsi, Moskvadan qayıtdıqdan sonra  iqtisadi və sosial imkanları məhdud olan şəraitdə yaşaması, ağır günlərdə xalqının yanında olması,  xalqın gələcəyi üçün  olan narahatlıqları haqqında məlumat verib.Fəlsəfə və ictimai elmlər kafedrasının dosenti Sevda Məhərrəmova  Heydər Əliyevin Azərbaycanda hakimiyyətə ikinci dəfə gəldiyi zaman olan iqtisadi sıxıntılardan, Ulu öndərin bu vəziyyətdən Azərbaycanı çıxarmaq üçün həyata keçirdiyi layihələr, bağladığı müqavilələr və həyata keçirdiyi tədbirlər haqqında danışıb.  O, Azərbaycan neftinin dünya bazarına çıxarılnmasının birinci addımı hesab edilən “Əsrin müqaviləsi”nin  bağlanmasında  Heydər Əliyevin əvəzsiz rolundan söz açıb.Onlar həmçinin şagirdlər tərəfindən  ADU- da təhsil və xarici layihələr haqqında verilən sulları cavablandırıblar.Sonda məktəbin direktoru  Dilarə Ismayilova Nardaran məktəbinə göstərdiyi diqqət və  qayğıya görə ADU-nun rektoru, akademik Kamal Abdullaya və  gələn qonaqlara görə təşəkkürünü bildirib.

19.05.2023

Azərbaycan Respublikası Təhsildə Keyfiyyətin Təminatı Agentliyinin təşkil etdiyi yeni akkreditasiya meyarlarına əsasən keçirilən 3 təlimdə  müvəffəqiyyətlə iştirak etmiş və mərhələləri keçmiş  ADU əməkdaşlarına üç il müddətində qüvvədə olacaq ekspert sertifikatları təqdim edilib.Azərbaycan ali məktəbləri içərisində ekspert bankına daha çox sayla daxil edilən ADU-dan seçilmiş nümayəndələri:- ADU-nun tədris hissəsinin müdiri, PhD, b/m Şəfəq Şahməmmədova,- Magistratura şöbəsinin müdiri, dos. Firuzə Rzayeva,  - Tələbə biliyin qiymətləndirilməsi və monitorinqi şöbəsinin müdiri, PhD Fatma Qurbanzadə,- Keyfiyyətin Təminatı Şöbəsindən Aytac Əsgərova,- Regionşünaslıq kafedrasının müdiri, professor Sevdagül Əliyeva,  - Regionşünaslıq kafedrasının dosenti Nigar Əsgərova-  İnformasiya Texnologiyaları kafedrasının dosenti Aytəkin İsmayılova,- Xarici dillərin tədrisi Metodikası kafedrasının dosenti Gönül Hacıyeva, - Regionşünaslıq kafedrasının müəllimi, PhD Günay Məmmədova- Azərbaycan Ədəbiyyatı kafedrasının müəllimi, PhD Aynurə Hüseynova- Regionşünaslıq kafedrasının b/m Bəyim Abdullanı  təbrik edirik!

19.05.2023

Azərbaycan Dillər Universitetinin (ADU) rektoru, akademik Kamal Abdulla universitetin qonağı olan Venesuela parlamentinin nümayəndə heyəti ilə görüşüb. Nümayəndə heyətini rəhbərlik etdiyi ali təhsil ocağında görməkdən məmnun olduğunu bildirən rektor universitetin geniş beynəlxalq əlaqələrindən danışıb, tədris olunan dillər haqqında məlumat verib. Qeyd olunub ki, ADU-da 20-dən artıq ölkənin dil və mədəniyyət mərkəzi fəaliyyət göstərir. Görüşdə iki ölkə arasında təhsil və elm istiqamətində olan əməkdaşlığa diqqət çəkilib, bu istiqamətdə gələcəkdə addımların atılmasının vacibliyi vurğulanıb.Venesuela parlamentinin İnzibati və xidmətlər daimi komissiyasının sədri Pedro Karreno səmimi qarşılanmaya görə təşəkkürünü bildirib. Təhsil sahəsinin ölkəsi üçün fundamental sahə olduğunu diqqətə çatdıran Pedro Karreno Azərbaycan Dillər Universiteti ilə Venesuelanın aparıcı universitetlərinin əməkdaşlıqla bağlı saziş imzalamasının müzakirə edildiyini bildirib. Qeyd olunub ki, məhz bu əməkdaşlıq nəticəsində tələbə mübadiləsi, Azərbaycan dilinin tədrisi, ədəbiyyat və mədəniyyət sahəsində qarşılıqlı tərcümə işlərinin aparılması mümkün olacaq.Venesuelanın Azərbaycandakı səfiri Kristofer Alberto Martinez Berroteran, parlamentin iqtisadiyyat, maliyyə və milli inkişaf üzrə daimi komissiyasının sədri Jesus Foria müxtəlif sahələr üzrə əməkdaşlığın perspektivlərindən danışıblar.Sonda nümayəndə heyətinin üzvləri ADU-nun tələbələri ilə görüşüb, onların suallarını cavablandırıblar.

19.05.2023

Azərbaycan Dillər Universiteti (ADU)  İspan dili Mərkəzi ilə Meksika Birləşmiş Ştatlarının ölkəmizdəki səfirliyi arasındakı əməkdaşlığa əsasən univeritetin Tərcümə fakültəsi İspan dili ixtisası üzrə təhsil alan tələbələri film nümayişi üçün Səfirliyə dəvət olunublar.Film nümayişində Meksikanın ölkəmizdəki fövqəlada və səlahiyyətli səfiri xanım Mariya Viktoriya da iştirak edib. Nümayişdən sonra xanım Mariya Viktoriya ilə tələbələr arasında film haqqında fikir mübadiləsi olub.

19.05.2023

Mayın 18-də Azərbaycan Dillər Universitetinin Dil Xidmətləri və Təlim Tədris şöbəsinin universitet tələbələri ilə tanıtım xarakterli görüşü keçirilib.Görüşdə Dil Xidmətləri və Təlim Tədris şöbəsinin rəhbəri N. Şirinli, xaricdə təhsil üzrə ekspert M. Nağıyev və  Dil üzrə mütəxəssis R. Məmmədova çıxış edərək şöbənin fəaliyyəti haqqında ümumi məlumat verib və tələbələrin suallarını cavablandırıblar. 

18.05.2023