Dillər Universitetinin (ADU) nəzdində fəaliyyət göstərən Konfutsi İnstitutunun təşkilatçılığı ilə ənənəvi Çin bayramları olan “Hanşi” – soyuq qida bayramı və “Tsinmin” - təmiz aləm bayramına həsr edilən tədbir keçirilib.Tədbirdə Konfutsi İnstitutunun direktoru Rafiq Abbasov, yazın gəlişinin, həmçinin həlak olmuş qəhrəmanların xatirəsinin simvolu sayılan bayramların yaranma tarixindən danışıb.Tədbirdə ADU-nun çinşünas tələbələri bayramlarda ifa olunan nəğmələr və rəqslər, idman yarışları, ilanvari kağızların uçurdulması, şəhərkənarı gəzintilər və yaz fəslində əkin sahələrində görülən işlər barədə məlumat veriblər.Tədbirdə “Tsinmin” bayramının əcdadların anım günü kimi qeyd edilməsi ilə yanaşı, baharın gəlişini təcəssüm etdirən bayram olduğu qeyd olunub. Çinlilərin bu bayramı ölkənin müxtəlif regionlarının təamları - Tsinmin meyvələri, qara düyü, qovrulmuş xəmir filetləri, yaşıl düyü topları və digər milli yeməklərdən ibarət ailəvi nahar süfrəsi ətrafında qeyd edildiyi söylənilib. 

03.04.2023

Azərbaycan Dillər Universitetində Əlavə təhsil, təcrübə və karyera şöbəsinin təşkilatçılığı ilə Əmək və Əhalinin Sosial Müdafiə Nazirliyinin tabeliyində Dövlət Məşğulluq Agentliyinin Mərkəzi Karyera Filialı tərəfindən “Tələbə İnkişaf Platforması” (TİPx) çərçivəsində növbəti  “TİPx 9:Sərhəddən kənarda” adlı konfrans keçirilib. ADU-nun rektor müşaviri Anar Osmanlı və Agentliyin İdarə Heyəti sədrinin müavini Ülvi Abasquliyev əmək bazarına keçid etməyə hazırlaşan tələbələr, məzunlar və gənclər üçün yaradılan imkanlar barədə ətraflı məlumat veriblər.Konfrans spikerlərinin “Dövlət  Proqramı çərçivəsində xaricdə təhsil”, “Beynəlxalq layihə və təqaüdlərin açdığı qapılar”, “Kim deyir ki,olmaz?” mövzusunda çıxışları iştirakçılar tərəfindən maraqla dinlənilib.Konfransda 160-a yaxın tələbə, Agentliyin rəsmiləri və ekspertlər iştirak edib.Sonda tələbələri maraqlandıran suallara aydınlıq gətirilib.

31.03.2023

Azərbaycan Dillər Universitetində Mülki müdafiə və Tibbi biliklərin əsasları kafedrasının b/m Rəna Əhmədova və  318 a qrup tələbələrinin birgə təşkilatçılığı ilə “Heydər Əliyev və İntellektual potensialın inkişaf dinamikası” adlı tədbir keçirilib.Tədbir Dövlət Himninin səsləndirilməsi ilə başlayıb.Kafedra müdiri dos.S. Zamanova və b/m Rəna Əhmədova Heydər Əliyevin Azərbaycan tarixindəki rolundan danışıblar.Tələbələr Arzu Abdullayeva, Ziba Mirzəli və Aytən Hüseyinzadə Ümummilli liderin həyat və fəaliyyəti ilə bağlı təqdimatla çıxış ediblər.Tələbələrin ifasında Ulu Öndərə həsr edilmiş mahnı və şeirlər səsləndirilib. Sonda qonaqlar da Ulu Öndərin fəaliyyəti haqqında çıxış ediblər.Tədbirdə rektor məsləhətçisi A. Osmanlı, Təhsil 1 fakültəsinin dekanı prof F. Cahangirov, kafedra müdiri S. Zamanova, prof. A. Hüseynov  və 320 a qrup tələbələri iştirak ediblər.

31.03.2023

Martın 31-də Azərbaycan Dillər Universitetində Tələbə Elmi Cəmiyyətinin təşkilatçılığı ilə "Heydər Əliyevin 31 Mart - Azərbaycanlıların Soyqırımı ilə bağlı Fərmanı və onun Azərbaycan tarix elminə verdiyi töhfə" mövzusunda elmi-praktik seminar keçirilib. Öncə Dövlət Himni səsləndirilib, şəhidlərin xatirəsi bir dəqiqəlik sükutla yad edilib. ADU-nun rektoru, akademik Kamal Abdulla seminarın əhəmiyyətindən söz açıb. Bildirilib ki, məhz ümummilli lider Heydər Əliyevin 26 mart 1998-ci il tarixli sərəncamı ilə 31 Mart - Azərbaycanlıların Soyqırımı Günü kimi qeyd olunmağa başlanılıb:“Hər birimiz bu günün mahiyyətini, əhəmiyyətini yaxşı bilməliyik. Azərbaycanlı olmaq əqidəsi hər bir azərbaycanlının canında o qədər möhkəm əks olunub ki, buna dözməyən mənfur düşmənlərimiz bizə qarşı hər zaman xain münasibətlərini göstərib. Zaman-zaman bu xain münasibətlər yaddan çıxarılmağa çalışılıb, ancaq bu xain münasibəti biz heç vaxt unutmamalıyıq. Biz bu xain münasibətə ləyaqətlə cavab vermişik. Ən böyük cavabı isə 44 günlük Vətən Müharibəsində verdik. Bu cavab bizim bir xalq kimi nə qədər ləyaqətli və ədalətli xalq olduğumuzu göstərdi”.YAP İdarə Heyətinin üzvü, millət vəkili, professor Anar İsgəndərov 31 Mart - Azərbaycanlıların Soyqırımı Günü ilə bağlı məruzə ilə çıxış edib. Söylənilib ki, hələ Azərbaycan Xalq Cümhuriyyəti dövründə 1919-cu və 1920-ci il martın 31-i milli matəm günü kimi qeyd olunub:“Ümummilli liderimiz Heydər Əliyev hakimiyyətə qayıtdıqdan sonra tarixi həqiqətlərin üzə çıxarılması istiqamətində mühüm addımlar atılıb. O zamandan etibarən Azərbaycan həqiqətlərinin, o cümlədən soyqırım həqiqətlərinin dünyada tanıdılması istiqamətində mühüm işlər görülür. Tarixçi alimlərimiz də bu baxımdan üzərinə düşən vəzifələri layiqincə yerinə yetirməyə çalışırlar. Azərbaycanlıların soyqırımı ilə əlaqədar xeyli sayda tədqiqat əsərləri nəşr olunub, sənədli filmlər çəkilib”.ADU-nun Sosial məsələlər və ictimaiyyətlə əlaqələr üzrə prorektoru, millət vəkili Tamam Cəfərova 31 Mart - Azərbaycanlıların Soyqırımı Günü ilə bağlı fikirlərini bölüşüb. Qeyd olunub ki, 1918-ci ilin mart-aprel aylarında Bakı, Şamaxı, Quba, Muğan və Lənkəranda ermənilər 30 mindən çox azərbaycanlını qətlə yetirib, 10 minlərlə insanı öz torpaqlarından qovmuşdur. Təkcə Bakıda 10 minə yaxın azərbaycanlı xüsusi qəddarlıqla öldürülüb, Şamaxıda 58 kənd dağıdılmış 7 min nəfər (1653 qadın, 965 uşaq) məhv edilmişdir.Tədbir müzakirələrlə davam edib.

31.03.2023

Heydər Əliyev adına muzey-lektoriyada Beynəlxalq münasibətlər və Regionşünaslıq fakültəsinin təşkilatçılığı ilə 31 mart  Azərbaycanlıların Soyqırımı Gününə həsr olunmuş “Qan yaddaşımızdan silinməyən soyqırım” mövzusunda tədbir keçirilib. Tədbirin moderatoru prof. İbrahim Kazımbəyli 31 mart  Azərbaycanlıların Soyqırımı Günü haqqında məlumat verib, hadisənin baş vermə səbəblərinə toxunub.Qafqazşünaslıq və Azərbaycan tarixi kafedrasının müəllimi Qarayeva Mina “31 mart soyqırımının tarixi aspektləri” haqqında çıxış edib. Qeyd edib ki, 1918-ci il mart ayının 30-da Bakıda erməni bolşevik qüvvələri tərəfindən türk müsəlman əhaliyə qarşı qırğınlar başlamış, kütləviliyinə görə “milli faciə” adlandırılmış və Azərbaycam xalqının tarixinə soyqırım məhfumunu daxil etmişdir.AXC dövründə, baş verən soyqırımı, qırğınları araşdırmaq üçün Fövqəladə Təhqiqat komissiyası yaradılmış və onun materialları Azərbaycan tarixinin öyrənilməsi üçün qiymətli mənbə olmuşdur.Regionşünaslıq kafedrasının müəllimi Ələsgərova Sara "31 mart soyqırımının hüquqi-siyasi qiymətləndirilməsi" haqqında çıxış edib. Həm AXC dövründə, həm də Ümummilli lider Heydər Əliyev və İlham Əliyevin dövründə də Soyqırım tariximizə sahib çıxıldığını, lakin beynəlxalq miqyasda hələ də hüquqi qiymət verilmədiyini vurğulayıb.Çıxışçı beynəlxalq aləmin laqeyd münasibətinin erməniləri azərbaycanlılara qarşı növbəti soyqırım və deportasiya aktlarının törədilməsinə stimul verdiyini qeyd edib.

31.03.2023

Martın 30-da Azərbaycan Dillər Universitetində (ADU) Beynəlxalq münasibətlər və Regionşünaslıq fakültəsi, Beynəlxaq münasibətlər kafedrası, “Azərbaycanşünaslıq” Elmi Mərkəzinin birgə təşkilatçılığı ilə “Erməni vandalizminin təzahürlərindən biri - 31 mart soyqrımı”  mövzusunda tədbir keçirilib.Tədbirdə Dövlət Himni səsləndirilib, faciə qurbanlarının xatirəsi bir dəqiqəlik sükutla yad edilib.Azərbaycan Dillər Universitetinin rektoru, akademik Kamal Abdulla erməni silahlı dəstələrinin azərbaycanlılara qarşı törətdikləri soyqırımdan danışıb:“Soyqırım xüsusi amansızlıqla milli əlamətə görə həyata keçirilən addımdır. Azərbaycan xalqı da XX əsrin əvvəllərindən başlayaraq erməni millətçilərinin davamlı olaraq etnik təmizləmə, soyqırımı və təcavüzkar siyasətinə məruz qalıb. Biz ən sonuncu soyqırımı Xocalının timsalında gördük. Xalqımız müstəqilliyi çətinliklə, müxtəlif istilalara uğraya-uğraya əldə edib. Sonuncu - böyük sovet istilasından sonra ölkəmizin müstəqilliyi tam şəkildə Ulu öndər Heydər Əliyevin zamanına təsadüf edib. Azərbaycanın müstəqilliyi də Heydər Əliyevin adı ilə bağlıdır. Ulu öndərin gərgin əməyinin, siyasətinin nəticəsidir ki, biz bu günləri rahat yaşayırıq. Ölkəmizin müstəqilliyini hədəfə alan,  müstəqilliyimizi gözü götürməyən qüvvələrə qarşı daim bir olmalıyıq.”  “Azərbaycanşünaslıq” Elmi Mərkəzinin baş elmi işçisi, tarix elmləri doktoru, professor Solmaz Rüstəmova-Tohidi erməni daşnaklarının törətdiyi cinayətlər haqqında müəllifi olduğu “Qarabağ-Zəngəzur. 1918-ci il. Azərbaycan qırğınları sənədlərdə” adlı kitabından söz açıb, həmin kitabda mərhələli şəkildə qeyd olunan hadisələr haqqında geniş məlumat verib.Həmin hadisələrdə mindən çox dinc azərbaycanlı, o cümlədən qadınlar, uşaqlar və qocalar vəhşicəsinə qətlə yetirilib, yüzlərlə kənd, evlər, məscidlər, mülki obyektlər dağıdılıb, yandırılıb, azərbaycanlılara məxsus əmlak talan edilib. Toplunun dörd bölməsində sadalanan qəzaların sakinlərinin ifadələri türk-müsəlman əhaliyə qarşı qırğınların xronologiyasını yaratmaq, zərərçəkənlərin dəqiq sayını, qətlə yetirilənlərin cinsini, yaşını, adlarını, dəymiş ziyanın həcmini, dağıdılmış və viran qalmış kəndlərin adlarını və s. müəyyən etməyə imkan verir. Erməni birləşmələrinin cinayət əməllərini təfərrüatı ilə ifşa edən sənədlər sübut edir ki, Qarabağ və Zəngəzur hadisələri erməni millətçilərinin irihəcmli əməliyyatlarının və planlarının tərkib hissəsi olmaqla, bölgədə müsəlman əhalini azaltmaqla bu əraziləri Ermənistana birləşdirmək məqsədi güdürdü. Topluya, həmçinin məsələnin tarixinə dair elmi oçerk, ətraflı yardımçı informasiya aparatı və fotoşəkillər daxil edilib.

31.03.2023

Martın 29-da Medianın İnkişafı Agentliyinin təşkilatçılığı ilə “MEDİAlab” layihəsi çərçivəsində ali təhsil müəssisələrinin tələbələri üçün keçirilən tədbirdə Beynəlxalq jurnalistika şöbəsinin müdiri b/m. Nərgiz Çərkəzqızı, Azərbaycan ədəbiyyatı kafedrasının jurnalistika ixtisası üzrə müəllimi f.f.d., Aynurə Hüseynova və jurnalistika ixtisasında təhsil alan 45 tələbə iştirak edib.Tədbirdə çıxış edən Media subyektləri və jurnalistlərlə iş şöbəsinin müdiri Natiq Məmmədli bildirib ki, bu layihə media sahəsində innovasiya və inkişaf yönümlü fəaliyyətin davamlılığının təmin edilməsi, təhsil prosesində ənənəvi medianın rəqəmsal mediaya inteqrasiyasının dəstəklənməsi və gənclərin bacarıqlarının inkişafında müstəsna rol oynayacaqdır. MEDİA Agentliyinin nümayəndələri infosessiyanın məqsədini və “MEDİAlab” layihəsinin təqdimatını edərək layihənin əsasən iki komponentdən - maarifləndirmə və bacarıqların inkişafından ibarət olacağını bildirib və tələbələr arasında keçirilən sorğuların nəticələri haqqında məlumat verib.Tədbirin ikinci hissəsində Azərbaycan Televiziyasının “Xəbərlər” proqramının aparıcısı, telejurnalist Ruslan Həsənov tərəfindən “Newslab” - yaradıcı düşünmə, məzmun istehsalı və xəbər hazırlanması ilə bağlı bacarıqların inkişafı vörkşopu keçirilib. İnteraktiv müzakirə formatında keçirilən sessiyada Ruslan Həsənov iştirakçıları maraqlandıran sualları cavablandırıb, onlara praktik tapşırıqlar verib.Sonda vörkşopda qalib olan komandalar mükafatlandırılıb.

30.03.2023

Azərbaycan Dillər Universitetində (ADU) professor Rəhman Bədəlovla görüş keçirilib. Görüşdə ADU-nun prorektoru, professor Novruz Məmmədov, universitetin əməkdaşları, doktorant və magistrlar iştirak edib. Professor Rəhman Bədəlov Həsən bəy Zərdabi, etika və estetika, mədəniyyətşünaslıq, fəlsəfə və s. mövzularda magistr və doktorantlarla fikir mübadiləsi aparıb, onların suallarını cavablandırıb. Qeyd edək ki, mühazirələr silsilə şəkildə davam edəcək. 

30.03.2023

Martın 30-da Azərbaycan Dillər Universitetində (ADU) Azərbaycan Dövlət Mədəniyyət və İncəsənət Universitetinin (ADMİU) 100 illik yubileyi ilə bağlı tədbir keçirilib.ADU-nun rektoru, akademik Kamal Abdulla qonaqları salamlayıb, onları universitetdə görməkdən məmnun olduğunu bildirib.Qeyd olunub ki, Azərbaycan Dövlət Mədəniyyət və İncəsənət Universiteti tarixi köklərə malik, zəngin mədəni irsə sahib ali təhsil ocağıdır:“Bu gün tarixi bir gündür. Bu tarixi gündə hər birimiz Azərbaycan Dövlət Mədəniyyət və İncəsənət Universitetinin 100 illiyi ilə bağlı öz xoş arzu və istəklərimizi bildirmək üçün toplaşmışıq. Görkəmli incəsənət xadimləri ilə görüş, onlarla ünsiyyət hər zaman yaddaqalan olur və insanlar həmin görüşləri xoş bir xatirə kimi xatırlayır. Bir daha sizi və kollektivinizi təbrik edir, sizə cansağlığı və uğurlar arzu edirəm”.ADMİU-nun  rektoru, professor Ceyran Mahmudova səmimi qarşılanmaya və xoş sözlərə görə universitet rəhbərliyinə və kollektivinə təşəkkürünü bildirib: “Bu gün ikiqat fəxr hissi keçirirəm. İlk növbədə Azərbaycan Dillər Universitetinin rektoru Kamal Abdullaya təşəkkürümü bildirirəm ki, universitetimizin 100 illik yubileyini keçirmək üçün bizi dəvət etdi. Çox şadıq, xoşbəxtik ki, sizinlə birlikdə bu əlamətdar tarixi qeyd edirik. Fəxr edirəm ki, cənab Prezidentimiz İlham Əliyevin Sərəncamı ilə bu cür qədim ənənələri olan universitetə rəhbərlik edirəm və mənim rəhbərlik etdiyim dövr 100 illik yubileyin qeyd olunduğu ilə təsadüf edir. Mədəniyyət və incəsənət xadimləri ilə, məşhur sənətkarlarla birlikdə işləmək mənim üçün böyük fəxrdir”.Daha sonra ADU-da fəaliyyət göstərən dil və mədəniyyət mərkəzləri adından müxtəlif xarici dillərdə ADMİU-nun 100 illiyi ilə bağlı təbriklər səsləndirilib.Tədbir hər iki universitetin əməkdaşlarının və tələbələrinin birgə hazırladıqları konsert proqramı ilə davam edib.Qeyd edək ki, Azərbaycan Dövlət Mədəniyyət və İncəsənət Universiteti öz əsasını 1923-cü ildə Azərbaycan Maarif Komissarlığının qərarı ilə yaradılmış Bakı Teatr Məktəbindən götürüb. O dövrdə M.F.Axundov adına Bakı Teatr Məktəbi təkcə Azərbaycan üçün deyil, Özbəkistan, Türkmənistan, Dağıstan, Krım və digər regionlar üçün də aktyor və rejissor kadrları hazırlayırdı.1945-ci ildə Teatr Məktəbinin bazasında Teatr İnstitutu yaradılıb və 1968-ci ildən bu ali təhsil ocağı Azərbaycan Dövlət İncəsənət İnstitutu adlandırılıb. 1991-ci ildə İncəsənət İnstitutu Universitet statusu qazanıb. Hazırda Azərbaycan Dövlət Mədəniyyət və İncəsənət Universiteti kimi fəaliyyət göstərən bu ali məktəbdə 5 fakültə, 21 kafedra mövcuddur. 

30.03.2023

Martın 30-da Azərbaycan Dillər Universitetində (ADU) Azərbaycan Dövlət Mədəniyyət və İncəsənət Universitetinin (ADMİU) 100 illik yubileyi ilə bağlı tədbir keçirilib.ADU-nun rektoru, akademik Kamal Abdulla qonaqları salamlayıb, onları universitetdə görməkdən məmnun olduğunu bildirib.Qeyd olunub ki, Azərbaycan Dövlət Mədəniyyət və İncəsənət Universiteti tarixi köklərə malik, zəngin mədəni irsə sahib ali təhsil ocağıdır:“Bu gün tarixi bir gündür. Bu tarixi gündə hər birimiz Azərbaycan Dövlət Mədəniyyət və İncəsənət Universitetinin 100 illiyi ilə bağlı öz xoş arzu və istəklərimizi bildirmək üçün toplaşmışıq. Görkəmli incəsənət xadimləri ilə görüş, onlarla ünsiyyət hər zaman yaddaqalan olur və insanlar həmin görüşləri xoş bir xatirə kimi xatırlayır. Bir daha sizi və kollektivinizi təbrik edir, sizə cansağlığı və uğurlar arzu edirəm”.ADMİU-nun  rektoru, professor Ceyran Mahmudova səmimi qarşılanmaya və xoş sözlərə görə universitet rəhbərliyinə və kollektivinə təşəkkürünü bildirib: “Bu gün ikiqat fəxr hissi keçirirəm. İlk növbədə Azərbaycan Dillər Universitetinin rektoru Kamal Abdullaya təşəkkürümü bildirirəm ki, universitetimizin 100 illik yubileyini keçirmək üçün bizi dəvət etdi. Çox şadıq, xoşbəxtik ki, sizinlə birlikdə bu əlamətdar tarixi qeyd edirik. Fəxr edirəm ki, cənab Prezidentimiz İlham Əliyevin Sərəncamı ilə bu cür qədim ənənələri olan universitetə rəhbərlik edirəm və mənim rəhbərlik etdiyim dövr 100 illik yubileyin qeyd olunduğu ilə təsadüf edir. Mədəniyyət və incəsənət xadimləri ilə, məşhur sənətkarlarla birlikdə işləmək mənim üçün böyük fəxrdir”.Daha sonra ADU-da fəaliyyət göstərən dil və mədəniyyət mərkəzləri adından müxtəlif xarici dillərdə ADMİU-nun 100 illiyi ilə bağlı təbriklər səsləndirilib.Tədbir hər iki universitetin əməkdaşlarının və tələbələrinin birgə hazırladıqları konsert proqramı ilə davam edib.Qeyd edək ki, Azərbaycan Dövlət Mədəniyyət və İncəsənət Universiteti öz əsasını 1923-cü ildə Azərbaycan Maarif Komissarlığının qərarı ilə yaradılmış Bakı Teatr Məktəbindən götürüb. O dövrdə M.F.Axundov adına Bakı Teatr Məktəbi təkcə Azərbaycan üçün deyil, Özbəkistan, Türkmənistan, Dağıstan, Krım və digər regionlar üçün də aktyor və rejissor kadrları hazırlayırdı.1945-ci ildə Teatr Məktəbinin bazasında Teatr İnstitutu yaradılıb və 1968-ci ildən bu ali təhsil ocağı Azərbaycan Dövlət İncəsənət İnstitutu adlandırılıb. 1991-ci ildə İncəsənət İnstitutu Universitet statusu qazanıb. Hazırda Azərbaycan Dövlət Mədəniyyət və İncəsənət Universiteti kimi fəaliyyət göstərən bu ali məktəbdə 5 fakültə, 21 kafedra mövcuddur.

30.03.2023

Azərbaycan Dillər Universitetinin  Təhsil- 2 fakültəsi  317b qrup tələbələrinin və Mülki müdafiə və tibbi biliklərin əsasları kafedrasının b/m Rəna Əhmədovanın təşəbbüsü və təşkilatçılığı ilə martın 18-də  “Qadın və Uşaq” sığınacağında Novruz bayramı münasibəti ilə şənlik keçirilib. Şənlikdə dəvət olunan animatorlar yüksək bayram əhval ruhiyyəsi yaradıb, müxtəlif oyunlar, yarışlar, viktorinalar təşkil ediblər.R. Əhmədova tələbələri ilə birgə uşaqlarla rəqs ediblər.  Həmçinin onlar üçün bayram süfrəsi təşkil edərək, uşaqları hədiyyələrlə sevindiriblər.

28.03.2023

Azərbaycan Dövlət Aqrar Universitetində (ADAU) Azərbaycan Təhsil İşçiləri Azad Həmkarlar İttifaqı ilə birgə “Həmkarlar ittifaqlarının inkişafında Heydər Əliyev mərhələsi” mövzusunda zona konfransı keçirilib. Tədbirdə ATİAHİ Respublika Komitəsi sədrinin müavini Mirzə Cəfərzadə, Təşkilat şöbəsinin müdiri Emil Rüstəmov, ATİAHİ-nin Qərb rayonları üzrə sədrləri və fəalları, eləcə də Universitet rəhbərliyi, professor-müəllim və tələbələri iştirak ediblər.Konfransda əvvəlcə Ümummilli Lider Heydər Əliyevin və torpaqlarımızın bütövlüyü uğrunda canlarından keçən şəhidlərin əziz xatirəsi yad olunub.Açılış nitqi ilə çıxış edən ADAU-nun rektoru vəzifəsini icra edən Zəfər Qurbanov universitetdə könüllülük fəaliyyəti və gənclər təşkilatlarının missiyaları haqqında məlumat verib. O bildirib ki, Ulu Öndər Heydər Əliyev ölkəyə rəhbərlik etdiyi illərdə həmkarlar təşkilatlarının fəaliyyətində ciddi dönüş yarandı, bu təsisat öz mahiyyəti üzrə fəaliyyət göstərməyə başladı. Həmkarlar ittifaqlarının fəaliyyətində inzibati amirlik metodlarına son qoyuldu, sahə həmkarlar ittifaqlarının səlahiyyətləri özlərinə qaytarıldı, təşəbbüskarlığa, dünya həmkarlar ittifaqları sisteminə inteqrasiyaya yol açıldı.Çıxış edən ATİAHİ Respublika Komitəsi sədrinin müavini Mirzə Cəfərzadə deyib ki, Azərbaycanda bütün sahələrin, o cümlədən də həmkarlar ittifaqları institutunun davamlı inkişafı Ümummilli Lider Heydər Əliyevin adı ilə bağlıdır. Bu gün, Heydər Əliyevin bu sahədə olan ideyaları onun mənəvi-siyasi irsinin ən layiqli varisi Prezident İlham Əliyev tərəfindən uğurla davam etdirilir.Tədbirdə həmçinin ATİAHİ Kəlbəcər rayon komitəsinin sədri Məhiyəddin Allahverdiyev, ADAU-nun ictimai elmlər kafedrasının müdiri Azad Bayramov, komputer mühəndisliyi fakültəsinin III kurs tələbəsi Fəridə Zeynalova çıxış ediblər.Sonra Ulu Öndər Heydər Əliyevin gənclər və təhsil sahəsində fəaliyyətindən bəhs edən videoçarx konfrans iştirakçılarına nümayiş olunub.Daha sonra çıxış edənlər həmkarlar ittifaqlarının inkişafında Heydər Əliyevin həyata keçirdiyi işlər və qəbul etdiyi qərarlardan söhbət açıblar.1680072622_1680015278_dsc_0058-1.jpg 534.35 KB1680015328_dsc_0113.jpg 323.65 KB1680015334_dsc_0074.jpg 516.96 KB1680015361_dsc_0066.jpg 455.34 KB1680015404_dsc_0106.jpg 389.64 KB1680015409_dsc_0085.jpg 516.99 KB

28.03.2023

Martın 16-da Azərbaycan Dillər Universitetində Təhsil -1 fakültəsi nəzdində Alman dilinin leksikologiyası və üslubiyyatı kafedrasının təçkilatçılığı ilə “Heydər Əliyev və milli-mənəvi dəyərlər” mövzusunda dəyirmi masa keçirilib.Dəyirmi masada adıçəkilən kafedranın əməkdaşları, ADU-nun rektor məsləhətçisi A. Osmanlı, Təhsil -1 fakültəsinin dekanı fil.e.d., prof. F. Cahangirov,  Təhsil -1 fakültəsi nəzdində olan kafedraların müdirləri və Təhsil 2 fakültəsi nəzdində Pedaqogika kafedrasının müdiri iştirak ediblər. Kafedra müdiri fil.f.d., dos. X. Əsgərova Ulu öndər H. Əliyevin milli-mənəvi dəyərlərimizin qorunmasında misilsiz xidmətlərindən danışıb.Çıxışlar zamanı Azərbaycan tarixində ilk dəfə olaraq milli-mənəvi dəyərlərimizi əks etdirən Novruz bayramı, Qurban bayramı, Ramazan bayramı kimi əlamətdar günlərin təqvimdə rəsmi dövlət bayramları kimi qeyd edilməsini Ümummilli Lider tərəfindən xalqın milli dəyərlərinə qayğı və hörmətinin təzahürü olduğu bildirilib.Sonda H.Əliyevin Novruz bayramı münasibətilə təşkil olunan tədbirlərdə iştirakını əks etdirən videoçarx nümayiş olunub.Bildirilir ki, Azərbaycan  xalqının Ümummilli Lideri Heydər Əliyevin 100 illik yubileyi ilə əlaqədar olaraq 2023-cü il Azərbaycanda “Heydər Əliyev ili” elan edilmişdir. Bu münasibətlə respublikada, o cümlədən Azərbaycan Dillər Universitetində silsilə tədbirlər keçirilir.Təhsil -1 fakültəsi nəzdində Alman dilinin leksikologiyası və üslubiyyatı kafedrasının mart ayı üçün nəzərdə tutulan tədbiri məhz Novruz bayramı ərəfəsində olduğu üçün milli-mənəvi dəyərlərə həsr olunub.

17.03.2023

Martın 17-də Azərbaycan Dillər Universitetində (ADU) Novruz bayramına həsr olunan tədbir keçirilib.Xalqımızın hər il böyük coşqu və sevinclə qeyd etdiyi Novruz bayramının tarixi, ənənələri, atributları haqqında məlumat verilib.ADU-nun rektoru, akademik Kamal Abdulla Novruz bayramı münasibətilə universitet kollektivini təbrik edib, onlara can sağlığı və işlərində uğurlar arzu edib:“Əziz müəllimlər, əziz tələbələr, əziz ADU kollektivi! Hər birinizi bu gözəl bayram münasibətilə təbrik edir, sizlərə möhkəm can sağlığı, xoşbəxtlik arzu edirəm. Qoy ocağımız heç zaman sönməsin, elimizdə, obamızda hər zaman toy-bayram olsun. Allah şəhidlərimizə rəhmət eləsin, onların ruhu bu gün şaddır. Biz onların ruhu qarşısında baş əyir, xatirələrini daima əziz tuturuq”.Tədbirdə müxtəlif kafedraların hazırladıqları bayram süfrəsi, həmçinin dövlət atributlarının əks olunduğu stendlər nümayiş olunub.Tədbir konsert proqramı ilə davam edib.

17.03.2023

Azərbaycan Dillər Universitetinin Həbib bəy Mahmudbəyov adına 2 saylı Texniki-Hümanitar Elmlər Liseyində təcrübədə olan Təhsil-2 fakültəsi 4-cü kurs tələbələri tərəfindən məktəbdə metodist Püstəxanım Yusifovanın təşəbbüsü ilə  “How to survive an earthquake?” adlı tədbir keçirilib.İlk olaraq Türkiyədə baş vermiş zəlzələdə  həyatını itirən insanların xatirəsi  bir dəqiqəlik sükut ilə yad edilib.Sonra 424b qrup tələbəsi  Fatimə Vahabova tədbir  haqqında məlumat verib.Tələbələr-  Ləman Məhərrəmova, Fatimə Hümbətli və Leyla Qurbanova ingilis və Azərbaycan dillərində mövzu ilə bağlı maarifləndirici çıxışlar ediblər.Çıxışlar zamanı ölkə başçısı cənab İlham Əliyevin bütün ümumtəhsil məktəblərində bu mövzuda maarifləndirmə tədbirlərinin təşkili barədə sərancamının önəmi də vurğulanıb.Sonda məktəbin direktoru Turanə Məcidli çıxış edib,  tədbir iştirakçılarına, Azərbaycan Dillər Universitetinə və 424b qrup tələbələrinə təşəkkürünü çatdırıb.

16.03.2023